Aktualności

Felietónowé wiérztë - 6

dodano dnia

Z cyklu: felietónowé wiérztë - 6

 

Minyster pòzwòli zdjimnąc

Ach, jakùż mómë dzãkòwac,

Że nie mdze tak straszno, dzywno...

Nót jaczé "hùrra" zawòłac?

 

Bùla zabité mô chłopa

Czidnął gò rodzëskã w skarnią

Krowa wnetk wëczidła òkò

Cëż sã z bidlãtama stało...?

 

Jednotë swiãto, maratón

W jãzëkù naszim spiewaniô

W Sopòtach Kaszëbóm za to

Akòrdionowé ba granié...

 

Dadzą wspòmóżkã w dolarach

Dobri z Americzi wùje,

Bë Pòlskô dac miała starã,

Co Ùkrajina brëkùje...

 

Timczasã zymk blôsknął słuńcã

Nôdzeje nad përdëgónë

Bële le do pòstu kùńca

Zôs mdze miôł chto wdëgòwóné...

 

Tómk Fópka, Chwaszczëno, 25 strumiannika 2022 rokù, gòdz. 6.54 d.p.

 

 

Strona korzysta z plików cookies w celu realizacji usług i zgodnie z Polityką Plików Cookies.
Możesz określić warunki przechowywania lub dostępu do plików cookies w ustawieniach Twojej przeglądarki.