Felietónowé wiérztë - 2
dodano dnia
Z cyklu: felietónowé wiérztë Tomka Fópczi - 2
Po Tłëstim Czwiôrtkù bòlą brzëchë
Pò pùrclach z różą, adwòkatã
Napiekłé ba skòpicą blachë
A lud tim napchôł sobie flakã...
Zôs prezydeńtowi chtos grozy
Temù z Wejrowa, rôz pòsobny
Wié ju Pòlicjô, corôz krodzy
Są welowania przińdnoroczné...
Ruscë pùszcziwają raketë
Amerikónie na to - NATO
Z-mòdro-sã-żôłca jinternetë
Nad Ùkrajiną swiat zapłakôł...
Czedë dze wikszé je nieszczescé
Wòjna, smierc nagłô czë przesprawa
Lëdzëska bierzą sã do grëpë
Mówi sã mądro: jinstinkt stada...
Wińdą na place, staną w sztopach
Kòscołë wiérnyma wnetk spùchną
Pùdze flot w górã ruskô ropa
Pònafùlëją nawetk krutop...
Tómk Fópka, Chwaszczëno, 25 gromicznika 2022 rokù, gòdz. 6.48 p.p.