Felietónowé wiérztë - 4
Kòmù z dzeckã matkã,
Bò są przëjachóny...?
Pòdstawilë banã
To jidze w mëliónë...
Robi sejm ùstawã
Dadzą pieńdze za to
Serca sã ju skùńcza
Zabierzą z pòdatków...
Jadą so swòbódno
Ùkrajińską sztrëką
Rusk nie bómbardëje
Gaz téż mòże płënąc...
Niemcë płacą Rusczim
Grëbé eùrodëtczi
Tej-sej mądrim słowã
Z München sã pòdetrzã...
Niech dô Pòlôch midżi!
Chcą Amerikónie
Nasze F-16
Kùpic wama dómë...
Ruscë zamkłi w windze
Cëgón - czołg ùkradłi
Drón sczidniony wekã
Jak w jaczim téatrze...
Chòcô wirus "pùtin"
Pòwëżarł "còvida"
W larwach pòsélcowie
Nick to nie dô jima...
Paliwò szło w górã
Hiper-biórokracjô
To, co ùszpórëjesz
Zeżgrze cë jinflacjô...
Zôs w kòmùnã wlezlë
Socjalizmù stegną
Z rozgrzebónym żëcym
Jak Trasą Kaszëbską...
Tómk Fópka, Chwaszczëno, 8 strumiannika 2022 rokù, gòdz. 11.52 p.p.