Dzéń, czej jesmë wëcmanim
dodano dnia
Wiersz na Dzień Jedności Kaszubów.
Dzéń, czej jesmë wëcmanim
Niepòżarti zãbãma niezgarów
Ti, co spiéwają, mówią, czëtają, piszą
W naszim jãzëkù
Ti, co wësziwają, żłobią, malëją
Zarzekiwają kùńsztã
Ti, co trzimają starżã zemi
Ti, co robią swòje dalek
Pòtãpiony w piekłach spòlëznowi òchëbë
Zbawiony w niebach sómkòwi nieswiądnoscë
Mëslama lewi, prawi, mòcny, lëbawi
Zatacony, przeczëpłi w smiotach "co lëdze pòwiedzą"
Szukający swòji stegnë
Dradżi do cësniãcô w mòrze namkłoscë
Gòsce na kaszëbską zemiã
Nawrócony
Niech mòwa nasza bãdze: jo, jo, nié, nié
Më, Kaszëbi...
Tómk Fópka, Chwaszczëno, 19 strumiannika 2022 rokù, godz. 9.22 d.p.