"La Paloma" po kaszubsku
Polecam Państwu moją wersję znanej pieśni "La Paloma". Wykonajmy ją po kaszubsku wraz z Placido Domingo!
https://www.youtube.com/watch?v=Z8gLDihFduw
W tã noc
wersja kaszubska do muz. „La Paloma”
Pòdôjkôj rãkã, chcemë so jic na sztrąd
W miesądza widze, dze nie je trzeba słów…
W tã noc, czedë gwiôzdë mërgają z niebnëch strón
W tã noc nicht na swiece ni mòże òstac sóm.
W tã noc nasze serca na jednã nótã brzmią
W tã noc, noc miłotë, czej lëdze w chëczach spią...
Pòdôjkôj rãkã, chcemë so jic na sztrąd
W miesądza widze, dze nie je trzeba słów.
Niech twòje miono wiater pòniese w dôl
A nasze cała sparłãczi lubny szkwôł.
Zapamiãtóm ten môl, twòjëch òczów wezdrzenié
A nen złotëchny bùrsztinu grużel przëbôczi szczescô sztót…
Zdrze, przëlecôł gòłąbk, swiôdk gòraniô wseczëców.
Zanies wiadło, niech wiedzą Kaszëbë, jak bëlno nama tu!
W tã noc nasze serca na jednã nótã brzmią
W tã noc, noc miłotë, czej lëdze w chëczach spią...
Pòdôjkôj rãkã, chcemë so jic na sztrąd
W miesądza widze, dze nie je trzeba słów.
Niech twòje miono wiater pòniese w dôl
A nasze cała sparłãczi lubny szkwôł.
Zapamiãtóm ten môl, twòjëch òczów wezdrzenié
A nen złotëchny bùrsztinu grużel przëbôczi szczescô sztót…
Tómk Fópka, Krënica-Zdrój, 11.08.2018, gòdz. 17.39